-- ADVERTISEMENT --
KALIBO, Aklan— Nasip-eatan sa Isla it Boracay ro noontime show TV host ag komedyante nga si Vice Ganda ko nagtaliwan nga adlaw.
Game nga nakipagselfie sa pilang netizens sa isla ro “Unkabogable Superstar” nga si Jose Marie Borja Viceral sa minatuod nga kabuhi samtang nagapanikangon sa maputing baeas ag nagatampisaw sa malakristal nga tubi sa binit it baybayon.
Nakit-an sa facebook post ni Vice ro anang litrato kaibahan ro anang Nanay Rosario nga may caption pang #TutoysRampaWithNanay.
Temporaryong nagdayon sa sangka sikat nga hotel and resort sa may Barangay Balabag, Boracay ro daywa ag ginkabig raya nga “fantastic vacation” ni Vice Ganda.
