Vice President it Malawi kumpirmadong patay eon

Kumpirmadong namatay eon si Malawi Vice President Saulos Chilima matapos nga makit-an ro anang ginsakyang eroplano nga uwa it nataeopangdan nga survivors.

Ginpahayag ni Malawi President Lazarus Chakwera, natapos eon ro ginpatigayon nga search and rescue operations nga anang ginmando.

Nakit-an it mga rescuers ro nagwas-ag nga eroplano sa nabukid nga parte it Chikangawa Forest sa northern Malawi.

Ginakabig nga sangka aksidente ro natabo.

Nakataeana kunta nga maghugpa ro eroplano ni Chilima kaibahan ro siyam nga iba pa sa paeoparan sa Mzuzu City apang raya hay bumalik bangud sa poor visibility.

Si Chilima hay naging vice president it Malawi halin pa ko 2014.

Igaanunsyo pa it gobyerno it Malawi kon san-o ro andang pagahimuon nga funeral service.