Naeowas ni Vinicius Junior ro Brazil halin sa sangkiri nga pagkapiyerde matapos ihatud ro koponan sa 1-1 nga patas nga hampang kontra sa Morocco sa andang unang pag-atubang sa Group C it FIFA World Cup adlaw it Sabado it gabi-i.
Unang gin-uyog it Morocco ro five-time World Cup champions kat maipasueod ni Ismael Saibari ro unang goal sa ika-21 minuto.
Apang makataliwan ro 11 minuto, madasig nga nakabawi ro 25-anyos nga si Vinicius Jr. pinaagi sa sangka mabaskog nga sipa sa ika-32 minuto agud nga ipatas ro score.
Dominante ro Morocco sa unang 30 minuto it hampang, apang nabag-o ro daeagan it hampang sa second half kat magbaylo it mga players ro manager it Brazil nga si Carlo Ancelotti.
Nagtan-aw man sa masandukot nga hampang ro mga sikat nga personalidad kapareho it NFL star nga si Tom Brady ag mga Brazilian football legends nga sanday Ronaldo ag Roberto Carlos.
Bangud sa resulta, parehong may tig-sang puntos eon ro daywang nasyon. Target it Brazil ag Morocco nga makabawi sa andang mga masunod nga hampang sa grupo kontra sa Scotland ag Haiti.
