Nagapati si Vice President Sara Duterte nga “on the road to hell” eun sigon ro nasyon bangud kay President Bongbong Marcos Jr.
Ginpamilit ni VP Sara nga indi kabaeo-baeo maging Presidente si Marcos ngani uwa nana raya ginakilaea sa makaron bilang Pangueo.
Suno kay Duterte, dismayado imaw bangud haeos uwa man sigon it nahimo si Marcos makaron ag kun balikan sigon, kat nagapangampanya pa eamang raya sa pagka-presidente, uwa man lang imaw it habatian nga plataporma kara kun ano ro himuon sa nasyon, sa food security, ag sa inflation.
Ngani man sa makaron, naghalin sigon imaw sa administrasyon bangud uwa nana nagustuhan ro anang mga nabatian ag nakita idto.
Uwa man nagtao it dugang pang detalye, medyo nagpahapyaw man raya sa nababakae it kwarta ag uwa imaw nahadlok nga icall out ro sinuman.
“Ang magagawa ko sa bayan, I will call bullsh*t as it comes. Kung bullsh*t siya sasabihin ko sainyo bullsh*t talaga ‘yan. ‘Wag kayo mag-alala saakin hindi ko kailangan ng pera. Hindi ako madadala sa pera kase ang pinakagusto ko sa buhay ko hindi siya nabibili ng pera.”
Suno kay Sara, ro ana eamang sigon nga saea hay nagpati imaw dati nga magahimo si Marcos it mga butang para sa nasyon ag sa mga pumueoyo.
Nagsalig sigon imaw nga magiging maayos ag mayad si PBBM kumpara sa tanan nga nag-agi nga presidente.
