Naganawagan si Vice President Sara Duterte sa publiko nga padayunon ro panawagan para sa pagbuhi sa pwesto ni Pangueong Ferdinand Marcos Jr., kadungan it akusasyon nana sa administrasyon it pagpang-abuso sa gahum, korapsyon ag paggamit sigon sa mga institusyon it gobyerno kontra sa mga kritiko.
Ginkwestyon man ni Duterte ro impeachment case kontra kana ag ro pagkulong kay dating House Speaker Martin Romualdez angot it flood control controversy.
Samtang, ginkwestyon it House prosecution panel ro panawagan it Bise Presidente bangud posible sigon nga mag-angkon it conflict of interest, bangud imaw ro posibleng mag-baylo sa Pangueo ingkaso magbuhi raya sa pwesto.
Ginpamilit man ni dating Surigao del Norte Representative Ace Barbers nga dapat respetuhon ni Duterte ro due process ag mga legal nga proseso sa mga kasong ginapangatubang nana.
Samtang, ginpaiway it Quezon City Regional Trial Court ro arraignment ni Duterte sa kasong grave threats samtang ginahueat ro komento it Department of Justice sa mosyon nga gindihon it anang depensa.
