Bukon it manami ro sitwasyon nga sa tunga it impeachment hearing hay uwa nagapakita ro akusado.
Raya ro ginpahayag ni Prof. Danilo Arao it University of the Philippines College of Mass Media and Communication.
Suno kana, ro masami nga ginahimo sa makarayang sitwason ro hay pagpa-press conference it mga akusado kun sa siin uwa ginapanumpaan ro mga salaysay.
Mas manami sigon nga magsueod sa due process para mapamatian kun may basehan ro mga akusasyon kontra kay VP Sara Duterte.
Dugang pa kara, base sa mga pahayag ni House Justice Committee Chariperson Gerville Luistro, may posibilidad nga imaw hay ma-impeach sa lebel it House of Representative, ag kun raya hay matabo, magasaka raya sa Senado ag posibleng uman nga mag-angkon it trial.
Ginaeuman sa gihapon sigon hanaon raya it andang kampo nga punggan.
Samtang, ginpahayag ni Prof. Arao nga may ‘chilling effect’ nga daea ro pagpasaka it reklamo it asawa ni VP Sara, kun sa siin ginpaathag nga imaw sigon hay private citizen. Apang, ro nasambit nga diskurso hay ‘problematic’ bangud nga imaw hay konektado sa pangaywang pinakamataas nga opisyal sa executive branch, kaya may degree sa gihapon it pagiging public figure.
