Nag-atras eon si Vice-President Sara Duterte sa plano kara nga magguwa it nasyon umpisa sa Abril 23 hasta Mayo 16, 2026 matapos ro medyu kueabos sa oras nga pagpasugot it Office of the President sa anang ginhirit nga travel authority.
Sa sangka ginpaguwa nga pahayag, nagpasaeamat si VP Sara sa Office of the President sa tunga it ‘last-minute’ nga pag-apruba it travel authority nga ginpirmahan ni Acting Executive Secretary Ralph Recto, may petsang Abril 22, 2026.
Nakabaehag sa travel authority nga ginapasugtan it Malakanyang nga magbiyahe ro bise presidente sa mga nasyong Netherlands, Republic of Korea, Belgium, Germany ag the United Kingdom of Great Britain ag Northern Ireland sa Abril 23 hasta Mayo 16, 2026, samtang naka-leave of absence ag owa it gastos sa gobyerno.
Nagtau man it suhestyon ro bise presidente sa Office of the President nga kun ginapasugtan man lang imaw sa anang mga masunod nga hirit nga travel authority hay dapat taw-an imaw it bastante nga oras para makapagpreparar ag bukon it pilang oras eon lang antes ro nakataeana nana nga paghalin kunta.
Ginpamilit man ni VP Sara ro tamang pagbuyot sa ‘confidentiality’ it mga sensitibong dokumento para sa seguridad.
