Owa ginakonsidera ni Vice President Sara Duterte ro pag-resign sa puwesto samtang ginapangatubang ro impeachment trial sa Senado, suno sa anang defense spokesperson nga si Michael Poa.
Suno kay Poa, mabuhay eon nga ginpag-isipan it andang legal team ro pag-resign bilang sangka opsyon, apang owa sigon it plano ro bise presidente nga mag-resign sa makaron.
Ginpahayag pa ni Poa nga padayun nga gina-isip ni Duterte ro 32 milyong Pilipinong nagboto kana.
Sa ika-19 nga adlaw it impeachment trial, ginplastar it prosecution ro mga testigo angot sa Article I it impeachment complaint, nga nagatalakay sa gina-alegar nga saea nga paggamit it P612.5 milyon nga confidential funds it Office of the Vice President ag P112.5 milyon halin sa Department of Education.
Kon mapamatud-an nga nagkasaea, pwedeng mapahalin sa puwesto si Duterte ag eubusan nga madiskwalipika sa pagbuyot it anumang pampublikong posisyon.
