KALIBO, Aklan — Bisan ro mga walk-in guests hay bawae eon man sa isla it Boracay sa nakataeana kara nga pagbukas sa Oktubre 26.
Suno kay Department of Tourism (DoT) Regional Director Helen Catalbas, tuga raya it manabang compliance rate it mga accomodation establishments sa ginpaguwang listahan it DoT ko nagtaliwan nga mga inadlaw.
Inde eon sigon pagpasugtan ro dating nakasanayan nga pag-abot pa eamang sa isla hay imaw pa eamang ro andang pag-usoy it madayunan.
Ginpahayag pa ni Atty. Catalbas nga sa Caticlan jetty port pa eamang hay pagasaeaon eon ro mga turista, kon siin pagausuyan ro mga raya it confirmation letter agud mausisa kon nagpa-book ro mga raya sa compliant nga hotels at resorts.
Nasayuran nga sa masobra sa 500 hotel accomodations nga may 15,000 rooms, kapin sa 25 hotel pa eamang ukon katumbas it 2,000 rooms ro nataw-an it accreditation it DoT nga pagapasugtang maka-operate sa uman nga pagbukas it Boracay.
Samtang, limitado eamang sa 1,000 local tourists kada adlaw ro pagapasugtang makasueod sa isla sa igapatigayong dry-run sa Oktubre 15 hasta it 25.
