KALIBO, Aklan — Ginserbihan it warrant of arrest ro sangka eaeaki matapos nana nga magtambong sa court hearing para sa anang una nga pagka-aresto.
Matapos ro pagpamati sa anang kaso, ginserbi kay Jemar Elera, 33, tumandok it Bacolod City, Negros Occidental ag presenteng naga-istar sa Oyo Torong St., Riverside, Kalibo ro arrest warrant para sa attempted theft sa pagpanguna it Aklan PNP trackers team ag Balete Police Station.
Gin-isyu ni Kalibo Branch 3 Presiding Judge Bienvenido P. Barrios ro nasambit nga warrant ko Abril 11, 2017 ag nagrekomenda it P4,000 nga piyansa para anang temporaryong kahilwayan.
Matapos maserbihan it warrant, gindaea si Elera sa Balete PNP para sa nagakaigo nga disposiosyon.
Samtang, gin-insister nana nga ginpasibangdan eamang imaw sa kasong pagpanakaw sa banwa it Balete ko 2015.
