KALIBO, Aklan—Haom ro lokal nga gobyerno it Malay sa ginaeauman nga pagtama it El Niño sa nasyon sa tunga it naeksperyensyahan nga pag-uean-uean sa probinsya tuga it Hanging Habagat.
Suno kay Municipal Local Government Operation Officer Mark Delos Reyes nga gin-istoryahan eon nanda kaibahan ro mga concerned agencies ro angot sa mga contingency measures nga pwede nga mahimo sa oras nga tumama ro El Niño.
Ginpasiguro sigon it daywang ka water utilities sa isla it Boracay ro andang kahauman ag ro bastanteng supply it tubi nga makaakomodar sa kinahang-eanon it publiko.
Samtang, kon iya mat-a suno kana sa mainland Malay hay may bastanteng reserbang tubi ro mga water utilities ag haom man nga mag-ayuda ro LGU sa oras nga magkinahang-ean it bulig ro mga sektor nga maapektuhan kara.
