KALIBO, Aklan—Owa nagapabor ro grupo it We Are Boracay sa pagpatindog it casino sa isla kasunod it naging pahayag ni Pangueong Rodrigo Duterte nga pasugtan eon ro operasyon kara bangud sa kakueangan it pondo it gobyerno.
Suno kay Rosario Moleta, tagapaghambae it We Are Boracay engkaso nga madayun ro konstruksyon it casino hay owa eon sanda it mahimo.
Apang, nag-apela man raya sa mga natungdan nga mabuligan sanda nga mga apektadong residente nga makaangkon it paeangitan-an sa oras nga matukod ro proyekto.
Madumduman nga nauna eon nga nagpamaeabag ro pilang grupo ag miyembro it Sangguniang Bayan it Malay sa uman nga operasyon it Casino sa Boracay.
Nagapati man ro iba nga magaresulta eamang raya it mas mabahoe nga problema kapareho it krimen, prostitusyon ag posibleng maging pugad pa it illegal nga droga.
