KALIBO, Aklan—Kasunod it ginapatuman nga community quarantine, nakalista it haeos 26.47 percent nga pagnaba sa krimen ro bilog nga Western Visayas.
Mag-euwas kara, 35. 17 percent man ro nalistang pagnaba sa mga kaso it Public safety index ukon ro mga aksidente sa daeanon.
Suno kay PLTCOL GILBERT T GORERO, tagapaghambae it Police Regional Office (PRO) 6 nga raya hay bangud sigon sa ginapatigayon nga checkpoint it PNP ag ginapatuman nga curfew hour sa mga lugar nga sakop it rehiyon para sa gihapon malikawan ro pagkalhit pa it coronavirus disease ukon covid-19 pandemic.
Samtang, ginklaro man ni PLCOL. Gorero nga nagpadaea eun it advisory ro PNP sa publiko angot sa nagakalhit makarun nga pekeng account sa facebook.
Raya hay matapos magbaha ro reklamo it mga fb user nga gingamit ro andang pangaean para makapanghuthot it kwarta ag iba pang klase it pagpangloko.
Suno kana nga sa makarun hay dapat maging reponsable eun lang ro tanan agud indi eun mabiktima it kapareho nga modus.
