KALIBO, Aklan — Namatay samtang ginabueong sa provincial hospital ro sangka rider matapos nga mabungguan ro anang ginasakyan nga motorsiklo it sangka kotse sa Brgy. Tabangka, Numancia, Sabado it aga-aga.
Nakilaea ro namatay nga si Omar Cortez, 22, ag residente it Brgy. Mantiguib, Makato nga nag-angkon it grabeng lastro sa ueo ag iba pang parte it eawas.
Naninahan man ro driver it kotse nga si Romuel Pamatian, 48, ag tumandok it Brgy. Cayangwan Makato.
Base sa report, nagapa-uli eon kunta halin sa sangka bar sa banwa it Kalibo si Pamatian kat makasub-eang sa lugar ro sangka motorsiklo nga nagapatay-sindi ro anang iwag .
Owa sigon nana nalikawan ro motorsiklo nga madasig man ro pagpadaeagan rason nga natabu ro banggaan.
Sa kabaskog it impact , guba ro unahan nga parte it kotse ag samad man ro motorsiklo.
Ginkustodiya sa Numancia Police Station ro suspek nga si Pamatian matapos ro insidente.
