KALIBO, Aklan—Naga abot sa 110,629 residente, halin sa 25,580 pamilya sa lima sa an-um nga probinsya sa Western Visayas ro gin evacuate bangud sa grabeng pagbaha tuga it habagat nga ginpabaskog it bagyong Egay.
Sa report it Regional Disaster Risk Reduction and Management Council ko Hulyo 28, kabilugan nga 1,612 families ukon 5,668 nga indibidwal ro nagbakwit sa 82 nga evacuation centers samtang 35 nga pamilya ukon 1,196 nga indibidwal ro nag-agto sa mga temporary shelters.
Pinaka-grabeng napuruhan it mga pagbaha hay ro Negros Occidental nga may 56,720 ginbakwit nga residente, Iloilo sa 36,648 indibidwal, Aklan nga 10,102 katawo, Antique nga umabot sa 6,882 katawo ag Guimaras nga may 276 katawo ro ginbakwit.
Nagpanupod man ro Department of Social Welfare and Development it family food packs kaibahan ro hygiene kits, kitchen ag sleeping kits nga nagabalor it P3.224 milyon pesos sa mga residente sa nagkaeain-eain nga lokal nga gobyerno.
Samtang, ginpahayag man it Provincial Disaster Management Program Division sa Negros Occidental nga may una nga 1,003 nga nahalitan nga baeay, kaibahan ro 58 nga damaged ag 945 partially damaged homes sa 15 nga siyudad ag munisipalidad.
Kapin sa 409 nga mangunguma man halin sa siyam nga LGU ro nahalitan ro mga pananum nga bugas ag iba pang tinuea nga nagabalor it P7.55 milyon pesos.
