KALIBO, Aklan—Nakapanupod ro Department of Social Welfare and Development ukon DSWD it kabilugan nga P11.2 million nga cash gifts sa 112 nga mga centenarians sa bilog nga Western Visayas umpisa Enero hasta Hunyo it makaron nga dag-on.
Ro kada lolo ag lola nga centenarians hay nakabaton it tig-P100,000 bilang kaparte it andang benepisyo sa idaeum it Centenarians Act of 2016.
Sa nasambit nga numero, ro lima hay naghalin sa aklan, 12 halin sa Antique, 24 halin sa Capiz, tatlo halin sa Guimaras, 11 halin sa Iloilo City, 49 halin sa probinsiya it Iloilo ag lima halin sa Negros Occidental.
Suno kay Atty. Carmelo Nochete, regional director it DSWD-6, sa makaron, 78.32% it mga target nga recipients ro nakabaton it andang cash gifts, ag 31 eon lang ro nabilin.
Nagtaeana eon it schedules it payouts agud nga makompleto ro distributions.
Madumduman nga sandig sa RA 10868 ukon Centenarians Act of 2016 , ginakilaea ro mga Pinoy nga naka-abot sa edad nga 100 nga residente it Pilipinas ukon abroad ag may gintaeana nga insentibo para kanda.
Dugang pa nga ro kada local government units ukon LGUs hay ginamanduan nga magtau it dugang nga awards and incentives pinaagi sa local resolutions ukon ordinansa.
