KALIBO, Aklan — Dobleng sakit ro nabatyagan it sangka 53-anyos nga negosyante matapos nga matukiban nga mag-eowas nga nabatas nga takawan it kapin sa P2.7 milyon it anang ampon hay ginhimuslan pa kara ro anang daywang menor de edad nga unga nga babaye.
Madumduman nga si Jerryl Nabor, 24, tumandok it banwa it Madalag hay ginkasuhan it qualified theft matapos nga takawan ro nag-alaga kana sa sueod it 13 anyos nga si Arlyn Cabugatan, tubong Davao ag presenteng naga-istar sa Sitio Tapo-Tapo, Brgy. New Buswang, Kalibo.
Nakataeanang pagapasakaan it kasong statutory rape si Nabor pinaagi sa regular filing sa Aklan Prosecutors Office matapos aku-on nga ginhimuslan nana ro 16 ag 11 anyos nga unga it anang nanay-nanayan.
Nauna eon nga ginsaysay it 16 anyos nga biktima nga makapilang beses imaw nga gin-rape ni Nabor.
Nasayuran pa nga antes nga nagpaeagiw bitbit ro P2.7 milyon ko Sabado it agahon hay nahimo pa kara nga himuslan ro 11-anyos nga unga.
