Nakarekober ro Police Regional Office 6 (PRO-6) it kabilugang 94 nga baril sa Western Visayas sa ginpatigayon nga ginpabaskog nga operasyon sa unang daywang dominggo it buean it Abril.
Base sa report, siyam nga operasyon ro ginpatigayon nga nagresulta sa pagkaaresto it 10 suspek ag pagkarekober it siyam nga baril.
Mag-eowas kara, 31 baril ro boluntaryong napasaalima sa pulisya para sa safekeeping, samtang 54 pa ro ginsurender bilang kaparte it kampanya kontra sa mga undocumented firearms.
Napueong pampasabog man ro kusang ginsurender it mga sibilyan.
Suno kay PRO-6 Director Brig. Gen. Josefino Ligan, pamatuod ro kaabuon it mga ginsurender nga armas sa epektibong pakikipag-angot it pulisya sa komunidad ag madinaeag-on nga information campaign.
Ginmando man ni Ligan sa mga hepe it istasyon nga ipadayon ro operasyon kontra sa loose firearms, samtang ginpasiguro it PRO-6 ro tayuyon nga tikang agud mapabilin ro kalinungan ag kaayusan sa rehiyon.
