Arestado ro sangka senior citizen nga misis kaibahan ro anang tatlong unga bangud sa gina-alegar nga pagpatay sa padre de pamilya sa andang baeay sa Barangay San Nicolas 3, Bacoor City, Cavite.
Nakilaea ro suspek nga si alyas Marlyn, sangka vendor, ag tatlo nanda nga unga nga sanday alyas Marie, 24, Marlon, 38 ag Candy, 33. Puro mga residente it nasambit nga lugar.
Base sa report, nakit-an ro biktima bandang alas-8 it agahon nga owa eon it kabuhi ag may mga igo it pagbuno sa nagkaeain-eain nga parte it eawas. Bago ro insidente, nabatian sigon it mga testigo ro mainitan nga diskusyon it mag-asawa nga nauli sa pisikalan.
Nagatuhaw pa sa imbestigasyon nga ginhana sigon it suspek nga itago ro krimen pinaagi sa pag-eaba it mga eambong nga may dugo.
Padayun pang ginatumod it kapulisan ro motibo sa insidente.
