Ginpadumdom it Philippine National Police (PNP) ro mga tawuhan kara nga maging responsable sa pagdahan it andang mga baril, kapin eon kon uwa sanda sa duty ag una sa andang mga panimaeay eamang.
Suno kay PNP chief Gen. Jose Melencio Nartatez Jr., kinahang-ean siguraduhon nga eowas ag inde maabot it mga onga ukon it iba pa ro andang mga baril.
Kasunod raya it daywang magkasunod nga insidente it pagpamaril sa mga eskwelahan sa sueod eamang it haeos daywang buean.
Sa daywang insidente, ginamit sigon it mga menor de edad ro service-issued firearms nga ginbuoe halin sa andang mga himata ukon ginikanan.
Ginmando man it PNP sa mga police commander nga regular nga magpadumdom angot sa tamang pagdahan ag saeabton sa kada may unit briefing ag formation.
Samtang, ginpahayag it PNP chief nga magataeana ro PNP it mga tawuhan ag kagamitan para sa nationwide school safety drills it Department of Education nga nakataeana sa Agosto 25.
