-- ADVERTISEMENT --
Indi magnaba sa 21 katawo ro namatay matapos ro maeapnagon nga pag-atake it Russia gamit ro ballistic missiles ag drones sa nagkaeain-eain nga parte it Ukraine, kaibahan ro Kyiv, kun siin nalista ro pinakamaabong biktima.
Nagpakawala ro Russia it 24 ballistic missiles, ap’at nga anti-ship missiles, ag 115 drones, kun siin 98 drones ro naintercept it air defense it Ukraine.
Gintamaan man ro mga panimaeay, estasyon it tren, ag mga bodega sa pilang lugar.
Samtang, ginpamilit it Russia nga mga pasilidad nga may kaangtanan sa militar ro target it operasyon ngara.
Padayon man nga naga-hinyo ro Ukraine it dugang nga air defense systems halin sa mga kaalyado kara, samtang nagtaeana ro European Union it €1.4 bilyon euro bilang suporta sa nasyon.
-- ADVERTISEMENT --
