Umabot sa 22 katawo, kaibahan ro waeong inunga, ro namatay sa sunod-sunod nga airstrike sa southern Lebanon, suno sa Lebanese health ministry, sa tunga it padayon nga bakbakan sa tunga it Israel ag grupong Hezbollah sa pihak it naga-iral nga ceasefire.
Gintamaan it drone ag airstrike ro mga saeakyan ag nagkaeain-eain nga lugar sa southern Lebanon, kaibahan ro mga banwa ag coastal areas, nga nagresulta sa magka-bueag nga insidente it pagkamatay.
Suno sa militar it Israel, target it operasyon ro mga armas, rocket launcher, ag mga miyembro it Hezbollah, ag nagpaguwa man it evacuation warning sa pilang komunidad sa nabagatnan.
Nagpahayag man it pag-kabaeaka ro United Nations Interim Force in Lebanon bangud sa naga-lala nga kinagamo maeapit sa andang mga posisyon ag sa peligro sa mga peacekeeper.
