-- ADVERTISEMENT --
KALIBO, Aklan—Personal nga nagparecord sa Kalibo Police Station ro sangka eaeaki matapos imaw nga ginkabuligan it bakueon sa Brgy. Bakhaw Sur, Kalibo.
Base sa report, ginkilaea ro tagreklamo kay Bernabe De Vera, 23-anyos, residente it nasambitang lugar samtang nakilaea mat-a ro daywang ginatumod nga suspek nga sanday Jocel Barque, residente it Brgy. Poblacion, Makato ag Alfredo Barrona, residente it nasambitang lugar.
Nasayuran nga samtang nagaselebrar ro biktima sa kaadlaw it anang manghod nga babaye hay gulpi eamang imaw nga gin-eapitan it daywa ka mga suspek ag ginkabuligan nga bakueon.
Ginapatihan nga bangud sa kahilungon ag owa pagka-intidihan ro naging kabangdanan it pagpamakoe sa biktima.
