KALIBO, Aklan — Patay ro sangka 24-anyos nga obrero matapos nga tamaan it bucket ukon pangkaykay it backhoe maeapit sa sangka suba sa Brgy. Agdugayan, Ibajay, Martes it hapon.
Dead-on-the-spot tuga it naangkon nga kahalitan sa eawas si John Ian Daguno, residente it Brgy. Rizal sa nasambit nga banwa samtang ro operator it backhoe nga nakilaeang si Melchor Tenorio hay madasig nga nagpaeagiw matapos ro insidente.
Base sa report, natabu ro insidente samtang naga-karga sanda it baeas sa binit it suba, nga kon sa siin, owa napan-uhan it driver ro biktima nga naka-pwesto sa tuo nga parte it dump truck.
Nakibot eon lang sigon si Tenorio kat may eumagapok sa likod nga portion.
Sa pagtan-aw nana sa side mirror, nakit-an kara nga naigpit ro biktima.
Samtang, personal nga nag-agto sa Ibajay Police Station ro tag-ana it dump truck ag nagpromisa nga magatao it bulig sa pamilya it biktima.
