POLICE Report — Gin-aresto it mga awtoridad ro sangka 27-anyos nga babaye matapos ginhana nga ibaligya ro anang tatlong dag-on nga unga sa balor nga P30,000.
Suno kay Philippine National Police (PNP) Women and Children Protection Center (WCPC) Luzon Field Unit officer-in-charge Police Lieutenant Colonel Armelina Manalo, nadakpan ro suspek matapos matukiban it mga awtoridad ro online post angot sa pagbaligya it sangka unga halin sa Nueva Vizcaya.
“Ito ay usually ginagawa online kaya mayroon kaming mga grupo na nag-u-undercover, nagjo-join para sumali sa mga grupo regarding sa baby selling,” pahayag ni P/Lt. Col. Manalo.
Maskin nga owa nagtau it pahayag ro suspek angot kara, ginpahayag it mga pulis nga kapigaduhon sigon ro rason it pagbaligya kara sa anang kaugalingon nga unga.
Magapangatubang ro suspek nga presenteng naka-kulong sa Camp Crame sa Quezon City, sa kasong pageabag sa Anti-Human Trafficking Law.
