KALIBO, Aklan — Nagpangayo it public apology ro ap-at nga kaeaeakin-an matapos nagkalhit ro andang video para sa ginapahayag nga “puwet challenge”, kon siin ro backrider sa unahan nga motorsiklo hay gin-uba ro shorts ag ginpakita ro anang buli samtang gina-videohan it kasunod nga motorsiklo sa national highway sa Kalibo, Aklan.
Nakasamit it sermon kat nag-atubang kay Supt. Richard Mepania, hepe it Kalibo Municipal Police Station ro mga kaeaeakin-an kadungan ro pagpangayo it pasaylo sa andang ginhimo.
Aminado ro magkabarkada nga nabueo nanda ro ideya sa youtube nga ro minatuod kunta nga katuyuan hay makaangkon it makabueo-bue nga bersyon it riding-in-tandem.
Ginpahayag ni Supt. Mepania nga ginapaminsar pa nanda kon pwede kasuhan ro mga raya sa makahueoyang gintuga kapin pa ag nagahilapit eon ro reopening ko isla it Boracay.
Matsa plano sigon it mga kaeaeakin-an nga maghimo it kasaysayan bangud kauna-unahan raya nga ginhimo sa bilog nga nasyon.
Parehong hilong ro mga raya kat matabo ro insidente.
