7 saeakyan sa California nagkarambola bangud sa nagkalhit nga mga kamatis

Nagtuga it grabeng trapiko ag aksidente matapos nga bumuhos halin sa sangka truck ro masobra 150,000 nga mga kamatis sa sangka highway sa California.

Ro insidente hay nagresulta sa pagkarambola it kapin sa pitong saeakyan.

Nag-angkon it grabeng kahalitan sa eawas ro tatlong katawo nga sakay it mga nagsunggaban nga saeakyan.

Base sa inisyal nga imbestigasyon, nadueaan it kontrol ro truck nga may sakay nga kamatis ag raya hay nagkalhit sa karsada.

Ginsarado it pilang oras ro highway ag raya hay ginbuksan matapos mabuoe ro mga kamatis ag mga saeakyan.