Igapatuman it Philippine National Police (PNP) ro 8-oras nga duty it kada pulis agud mataw’an it bastante nga oras ro pamilya.
Suno kay PNP chief Gen. Rommel Francisco Marbil, bukon dapat nga 12 oras ro trabaho it mga pulis nga nagaresulta sa pagkaduea it oras sa pamilya ag pagbulig sa mga police stations.
Ro pahayag ni Marbil hay kadungan it ginhiwat nga Pamilya ng Pulis Family Day sa Camp Crame kahapon.
Suno kana, raya ro rason kun haman nga ginsugo nana ro deployment it 85 porsiyento it 232,000 pulis sa lansangan sa baylo nga mga administrative work.
Ginpamilit man ni Marbil nga kinahang’ean man it mga pulis nga makaibahan ro andang pamilya ngani indi raya ihikaw sa PNP.
Pahayag man ni Maj. Gen. Bernard Banac, Directorate for Police Community Relations (DPCR) director, nga katuyuan nanda nga himuon nga programa ro Family Day quarterly.
