Ginpamatud-an it 90-anyos nga lola sa Ohio, USA nga bukon it sabeag ro kagueangon matapos imaw nga taw-an it world record title nga “oldest person to hold the dead hang position (female)”.
Ginkilaea it Guinness World Records ro kadaeag-an ni Ann Crile Esselstyn matapos nana nga masarangan nga magpabitin sa sangka pull-up bar ag hakwaton ro anang bilog nga bug-at sa sueod it daeayawon nga 2 minutes and 52 seconds.
Ro dead hang hay sangka simpleng ehersisyo na paglambitin it sangka pull-up bar samtang nakatadlong it buo ro mga butkon.
Ginpiyerde nana ro dating record nga buyot it sangka 81-anyos nga lola ko 2024. Nag-umpisa nga testingan ni Ann ro pag-ehersisyo it dead hang bilang simpleng hangkat halin sa anang unga nga eaeaki.
Pinaagi sa padayun ag maid-id nga pag-training adlaw-adlaw, amat-amat nga nagbaskog ro anang mga alima ag eawas. Suno kay Ann, ro anang secret technique sa pag-angkon it mabaskog nga eawas hay owa it pundo nga paghueag ag pag-ehersisyo.
