KALIBO, Aklan — Ginpuna ni Department of Environment and Natural Resources (DENR) Secretary Roy Cimatu ro mga ginapangatubang nga problema makaron sa isla it Boracay bangud sa overdevelopment.
Sa interview it Bombo Radyo Kalibo, nag-abot eon sigon ro commercial development sa mabukid nga bahin it isla.
Sambilog pa sa mga napuna it sekretaryo ro mga pasaway nga hotel ag resort owners nga direktang nakakabit ro andang sewerage sa drainage ag uwa eon nagaagi sa water treatment facility.
May kaangtanan kara, ginapaproponer ni Cimatu sa provincial government nga magtukod it national body nga magatutok sa mga problema sa isla.
Plano man kara nga maghimo it long term development para sa Boracay agud mapabilin ro pagiging sambilog sa mga “best beaches in the world”.
Apela nana sa mga tag-iya it hotel ag resort nga nakapwesto sa ginakabig nga timberland nga magsakripisyo para sa turismo.
Nakataeana sigon imaw nga makipagpueong sa mga negosyante kapin eon sa mga nagapanag-iya it istraktura agud makapatigayon it nagakaigong solusyon.
