Kalibo Aklan ——–Daywa pang Akeanon ro nagsaysay it andang experiensiya matapos nga sangkiri nga mabiktima it love scam.
Suno sa sangka ginang nga nagpamalibad nga magpamitlang it pangean, mabahoe ro anang pasaeamat sa Bombo Radyo Kalibo bangud nga temprano sanda nga napaandaman angot sa posibleng modus.
Suno kana nga ro anang unga nga sangka OFW sa Saudi Arabia ro gina-alegar nga nakaangkon it chatmate nga sangka Amerikano nga nagpakilaeang si david William ag sangka manager it sangka construction firm nga nakabase sa Saudi.
Bangud nga may nagapatunga eon nga ‘mutual understanding’, ginhambae it scammer nga magpadaea imaw it maeahaeon nga package sa anang pamilya sa Aklan.
Ginasugid nga gin hold it BOC ro nasambit nga package ag kinahangean nga bayaran nanda ro tax agud nga raya hay mabo-oe.
Matapos nga makapadaea it 36,000 pesos pinaagi sa landbank hay nagpangunsiho sanda sa Bombo Radyo sa pagpati nga nabiktima sanda it modus.
Insigida sigon nanda nga ginbalikan ro bangko apang natigayon eon nga na-withdraw ro kwarta sa parte it Zamboaga.
Owa sigon sanda it kahigayunan nga makita ro itsura it suspek bangud nga nagapamalibad raya nga magpakita it anang itsura kon naga-videocall.
