KALIBO, Aklan—Temporaryo eamang ro andang pag-istar sa sangka unit it housing project sa barangay Briones, Kalibo.
Raya ro pagklaru it sangka pamilya matapos nga ginpatawag ag ginpa-explain it lokal nga gobyerno it Kalibo si Punong barangay Rafael briones nga gina-alegar nga nagpasugot nga mag-istar anay sa nasambit nga lugar.
Suno kay Mrs. Edith Villorente, residente it barangay Uyang, Libacao ag temporaryong naga-istar sa nasambit nga lugar nga samtang owa pa natapos ro andang gina-obra nga baeay hay sa sangka bakanteng unit anay sanda maga-istar.
Gindugang pa kara nga nag-ea-ong imaw kay Kalibo Mayor Emerson Lachica ko nagtaliwan nga disyembre apang owa nagpasugot sa anang apela.
Nagpaeapit sigon imaw kay kapitan briones bangud nga makaeoeo-oy ro kahimtangan it andang an-um nga unga kun sa siin ro anang kamanghuran hay tatlong buean nga eapsag eabi eon kon mauean bangud nga owa it bungbungan ro andang dating barong-barong sa kanipaan maeapit sa dating barracks it mga construction worker nga nagtukod it housing unit.
Raya sigon ro nagbulig kanda nga mag-istar anay idtu bangud nga mabuhay eon sigon nga tiempo nga owa it may naga-istar.
Samtang, sa mayad nga swerte ag may nag-donate nga pilang construction materials sa pamilya matapos nga mabatian sa bombo radyo ro andang kahimtangan.
