KALIBO, Aklan—Uman nga nagpatuman it dugang nga sanctions ro mga nasyon nga European Union, United Sates, United Kingdom ag Japan kontra sa nasyon nga Russia kasunod sa gihapon it padayun karang pagpang-atake sa nasyon nga Ukraine.
Suno kay Bombo International Correspondent Greg Aguilar it California U.S.A nga ro mga nasambitan nga nasyon hay nagpatuman it pag-block sa access it Rusian Central bank sa Swift.
Buot hambaeon sigon kara hay maapektuhan ro financial system it Russia ag posible nga magnaba ro baeayluhan it andang kwarta.
Samtang padayun man sigon ro suporta nga ginatao makarun it US ag Germany sa nasyon nga Ukraine agud nga sokean ro nagapanakop nga mga suldado it Russia.
Kamatuoran sigon kara hay uman nga nagpadaea it kapin sa 350 million dollars nga balor it military aid ro US sa Ukraine. Samtang ro Germany man hay nagpadaea it dugang nga anti-attack missile.
