Ro paghaeok it mga gina-agihan it hangin sa baga ro pinakanagapangunang rason it sintomas it hapo.
Hayra ro listahan it mga pagkaon nga pangsukoe sa paghaeok it aeagyan it hangin sa baga.
Ro sibuyas hay naga angkon it anti-oxidant nga quercetin nga makabulig agud nga masuk-ean ro paghaeok ag malikawan ro pag-atake it hapo.
Mayad man ro pag-inom it maisog nga kape it sambilog ukon daywang tasa sa bilog nga adlaw.
Ro kape hay may sangkap nga nakakabulig agud nga mapahaeuga ro aeagyan it pagginhawa.
Ro Green tea kapareho it mansanas ag sibuyas hay naga angkon man it anti-oxidant nga quercitin.
Testingan nga mag inom kara it sambilog ukon daywang beses kada adlaw para malikawan ro pag-atake it hapo.
Ro mga matambok nga isda kapareho it tawilis, tamban, tuna, hasa-hasa, sardinas, dilis, salmon ag mackerel hay may Omega-3 fatty acids nga pangsukoe sa paghaeok it mga parte sa eawas ag mga pagkaong bugana sa anti-oxidant kapareho it Vitamin C ag Vitamin E kapareho it red bell pepper, dalandan ukon simuyaw juice, repolyo ag kamatis hay mayad para sa bilog nga eawas.
