Naga-eaum ro pilang residente it Ukraine nga kunta hay indi malipatan it kalibutan nga padayon sa gihapon ro giyera sa andang lugar.
Suno kay Alexander Mukhin, nga kahit paano hay euwas sa gihapon sanda sa may sentro it Ukraine nga capital Kyiv apisar nga umabot eon sa 114 diyas ro paggiyera kanda it Russian forces, ukon masobra tatlong buean eon.
Dugang pa ni Mukhin nga may sangka haeambaaeon nga ginatutukan eamang it tanan ro nag-eontad nga giyera sa sueod it 30 diyas ag makataliwan kara hay maabu eon ro naduduea-an it interes.
Kasunod kara, indi man malikawan nga ikumpara ni Alex ro andang sitwasyon sa unang buean it giyera nga pirme sandang ginabomba sa Kyiv.
Sa makaron, owa eon haeus sigon sanda nakakabati it air raid siren bilang senyales nga maga-abot eon ro missile it Russia.
