Gin-ako it Islamic State ukon ISIS ro ginhimo nga pag-atake sa Sikh temple sa Kabul, Afghanistan ko adlaw it Sabado nga ginkamatay it daywang indibidwal samtang pito ro naninahan.
Base sa report, ginsalakay it suicide attacker ro temple nga armado it machine gun ag hand grenades.
Nakasagupa it mga attackers ro pilang mga Taliban fighters sa sueod it tatlong oras.
Pinaagi sa sangka affiliated Telegram channel, suno sa local branch it Islamic State nga ro ginhimong pag-atake hay sabat sa ginhimong pang-insulto kay Prophet Mohammed.
Nagpaguwa sigon it pahayag ro Indian government spokeswoman, nga ginkondina it kaeabanan sa mga Muslim-majority countries.
Suno sa Taliban interior spokesman, sangka saeakyan nga may unang explosives ro ginamit it mga attackers ag nadetonate antes pa umabot sa andang target.
Suno sa sangka temple official nga si Gornam Singh, kapin sa 30 katawo ro una sa sueod it building kat matabo ro pagsabog.
Suno mat-a sa tagapaghambae it Kabul’s commander, sangka Sikh worshipper ro namatay ag sangka Taliban fighter.
Umpisa kat makontrol it Taliban ro Afghanistan, ginpabaskog pa kara ro andang seguridad sa nasyon.
Hugot man nga ginkondena it UN’s mission to Afghanistan ro pag-atake sa mga minorities.
