Temporaryong napahilway ro waeong suspek nga nadakpan it Boracay police station kasunod it pagsalakay it mga raya sa sangka hotel sa nasambit nga isla.
Suno kay PLt.Col. Don Dicksie De Dios, hepe it Malay police station nga kapin sa 300,000 pesos ro pyansa sa kasong grave coercion it mga suspek nga ginkilaeang sanday Jomar Guevarra; Conrad Ilagan; Jomar Solano; Roqui Tumbagahan; Gardie Maming; Mel Jhon Fernandez; Carlos Ingo ag Baldonero Torres.
Ginpahayag dugang ni De Dios nga uwa ro mga raya it lisensya sa pagka gwardya ag anda sigon raya nga padaeman it pag-imbestiga bangud nga posible nga madaehig ro security agency kon siin sanda imbolbado agud nga inde eon pagpamaresan it iba.
Madumduman nga nabueo sa grupo ro sangka 9mm nga baril ag shotgun.
Land dispute ro ginatan-aw nga motibo sa likod it nasambit nga insidente.
