Eauman eon ro panibag-ong pagtaas it presyo it diesel sa masunod nga dominggo kamana man sa presyo it gasolina nga posibleng maka-angkon it umento ukon roll back sandig sa forecast ukon pagtansya maghalin sa mga kompaniya it langis.
Ginaeuman nga magataas ro presyo it diesel it kapin sa P1.10 asta P1.30 kada litro, samtang sa presyo man it gasolina posibleng magatigayon it roll back nga P0.05 kada litro.
Suno sa fuel company nga Unioil, ro presyo it diesel para sa Hunyo 28 asta Hulyo 4 hay posibleng magatigayon it umento nga P1.20 asta P1.40 kada litro ag sa presyo it gasolina hay posibleng may umento nga P0.10 asta P0.20 kada litro.
Nauna eon nga ginpahayag ni DOE Oil Industry Management Bureau director Atty. Rino Abad nga posibleng magtaas ro presyo it diesel ag kerosine sa masunod nga dominggo bangud sa mahina nga haega it g Philippine peso kontra dolyar.
