Ginpaiway it national government ro pagbakuna para sa first Coronavirus disease 2019 (COVID-19) booster dose sa mga non-immunocompromised nga mga pamatan-ong may edad 12 asta 17-anyos.
Suno kay National Vaccination Operations Center (NVOC) chairperson ag Health Undersecretary Dr. Myrna Cabotaje, raya hay bangud sigon sa pilang “glitches” sa Health Technology Assessment Council (HTAC).
Ginpaathag ni Cabotaje nga ro HTAC hay naghimu it kondisyon nga ro healthy adolescents nga edad 12 asta 17-anyos hay maka-angkon eamang it booster shot kung ro booster coverage para sa mga senior citizens sa andang mga lugar hay umabot eon sa 40 percent.
Ro rollout it unang COVID-19 booster dose para sa mga immunocompromised minors sa nasambit nga age group hay gin-umpisahan ku nagtaliwan nga Miyerkules.
Apang raya hay ginpatigayon sa mga ospital bangud eon man sa mga safety reasons.
Samtang, nagasalig man si Cabotaje nga makadesisyon ro HTAC para sa booster inoculation it mga non-immunocompromised children nga sa nasambit nga age group kapin kung maangkon eon nanda ro limang buean nga interval.
