Ko 2020, gin-release it sangka kilaeang Japanese electronics company ro gadget nga Reon Pocket, sangka wearable airconditioner!
Ginasab-it sa idaeum it ingkoy ro Reon Pocket ag nagapaguwa raya it maeamig nga hangin sa likod kun sa siin kaeabanan nga ginahueasan.
Succesful ro launching it unang generation it nasambit nga gadget ag nakabaligya it masobra sa 10,000 units sa sueod eamang it daywang adlaw.
Makaron nga 2022, gin-release ro third generation it gadget nga gintawag nga Reon Pocket 3.
Sambilog sa improvement kumpara sa 1st generation hay may motion detector raya ag masayuran it gadget kun siin nga parte it eawas igabuga ro maeamig nga hangin.
Bangud nga may Bluetooth man, pwedeng kontrolin ro Reon Pocket 3 gamit ro smartphone.
Headline makaron sa mga Japanese TV networks ag news websites ro naexperiensiyahan nga heatwave sa Japan.
Nag-abot sa 40.2 degress celcius ro temperature sa Gunma prefecture ag ginasugid nga ro ulihing record sa makarondaya kainit nga temperatura hay ko 1875 pa.
Bangud kara, nagakaubusan sa mga electronic stores it Reon Pocket 3.
Suno sa spokesperson it electronics company nga naga-obra it wearable aircon, ginaeauman pa nanda nga mas magiging madahog pa raya hasta sa buean it Agosto sa kasagsagan it summer sa Japan.
Nagabalor it 14,850 Yen ro Reon Pocket 3 ag owa pa it balita kun hin-uno opisyal raya nga igabaligya sa guwa it Japan.
