Sangka 15-anyos nga high school student sa Tennessee ro nakadakop it tumaeangsahon nga white catfish!
Base sa report it Tennessee Wildlife Resources Agency, nagpasakop ro tinedyer nga si Edwards Tarumianz sa fishing trip it grupong Scenic City Fishing Charters ko nagtaliwan nga Hunyo 28 kat madakpan kara ro kakaibang white catfish ukon kilaea sa scientific name nga Ictalurus furcatus.
Ro ordinaryong blue catfish hay kulay bluish grey apang ro specimen nga nadakpan ni Edwards hay kulay puti ag may parte raya nga kulay light pink.
Suno sa kapitan it fishing trip nga si Richard Simms, sangka tumaeagsahon nga hitabu ro pagkadakop ni Edwards sa rare white catfish.
Pilang dekada eon imaw nga nagapangisda it mga pantat apang makaron eamang imaw nakakita it makarondaya nga klase it isda.
May espekulasyon si Simms nga ro kakaibang isda hay sangka Leucastic catfish, sangka kondisyon nga nakikita sa mga sapat kun sa siin maeupsi ro kulay it bilog nga eawas kara.
Sambilog man nga posibleng rason hay may albinism ro pantat.
Matapos nga magpabo-oe it litrato it pantat ni Edwards kaibahan ro anang nadakpan nga rare white catfish, nagdesisyon raya nga ibalik it uman sa tubi,
Maabu nga nagdayaw nga netizens kay Edwards bangud sa desisyon kara nga buhian ro pantat .
