Posibleng magtaas ro presyo it produkto it mga nakabutang sa sachet engkaso nga madayon ro papatuman it pagbuwis sa mga single-use plastic.
Ginpahayag ni Philippine Plastics Industry Association Inc. president Aaron Lao nga may epekto ra sa mga produktong pagkaon ag ibang mga gamit nga nakabutang sa sachet.
Kaeabanan sigonsa mga produkto nga nakabutang sa sachet hay mga single-serve quantities nga mas barato kumpara sa mga full-sized packs.
Sa pihak nga parte, gintawag pa nanda ro tikang bilang indirect taxing para sa mga kubos.
Samtang, madumduman nga gindihon Department of Finance Secretary Benjamin Diokno ro pagbuwis sa mga single use plastic bukon eamang para sukean ro climate change ag para eon man makatipon it dugang pondo ro gobyerno.
