Uman nga nagpanawagan ro gobyerno it Macau, China sa tanan nga mga pumueoyo kara nga likawan nga magbuead sa init it adlaw.
Raya hay matapos nga nagpaguwa it orange advisory ro weather bureau kon siin maeksperyensyahan ro grabeng kainiton ukon heatwave adlaw-adlaw.
May kaangtanan kara, ginpahayag ni Bombo International Correspondent Emily Delos Santos nga limitado ro outdoor activities it mga Chinese ag maging sanda nga mga overseas Filipino workers ukon OFW’s bangud nga nakabantay ro mga otoridad it rehiyon.
Ginlaygayan man sigon sanda nga magpabilin eon lang sa baeay it andang mga employeer agud nga inde eon ro mga raya magguwa eabi eon kon gasingkad ro init it adlaw.
Ro ginahimo sigon nanda makaron hay ro pag-inom it maabong tubi agud nga malikawan ro heatstroke.
