Gin-aprubahan eon it Department of Budget and Management (DBM) ro pagpaguwa it masobra sa 8 billion pesos nga Notice of Cash Allocation (NCA) para sa Department of Agriculture (DA).
Nasayuran nga ro nasambit nga pondo hay pagagamiton bilang ayuda sa 1.5 million nga mga kwalipikadong mangunguma para sa 3rd ag 4th quarter it 2022.
Bangud kara, ginaeauman nga makabaton it 5,000 pesos ro mga benipisaryo base sa implementasyon it Rice Farmers’ Financial Assistance Program para mataw-an it suporta ro mga mangunguma nga apektado it Rice Tariffication Law.
Suno kay Budget Secretary Amenah Pangandaman, dapat eamang nga mataw-an it tamang pag-alaga ro mga mangunguma nga padayun nga nakikipagsukoe sa mga nagtaliwan nga kalamidad.
Samtang, sakop man it NCA ro service fee, kaibahan ro pag-obra it card, para sa rice competitive enhancement fund sa idaeum it Development Bank of the Philippines.
