Ginpahayag ni National Security Adviser (NSA) Clarita Carlos nga magapabilin nga neutral ro Pilipinas ag owa it paga-apinan sa mga tensyon nga nag-eontad sa tunga it Estados Unidos ag China.
Raya hay may kaangatan sa gihapon sa ginpatigayon nga pagbisita ni US House Speaker Nancy Pelosi sa Taiwan.
Apang, suno sa top security adviser nga pagatan-awon it nasyon ro mga developments eabi eon gid sa pagbisita ni US Secretary of State Antony Blinken sa Maynila ko nagtaliwan nga Biyernes it gabi-e.
Suno kay Carlos ro ginpatigayon nga pagbisita ni Speaker Pelosi hay nagapataas it temperatura sa rehiyon nga ginalikawan nana nga matabo eabi eon gid ag kaeakip ro Pilipinas nga naka-istar sa nasambit nga rehiyon.
Ginklaru man kara nga magapadayon ro nasyon sa pakipag-angot sa magkaprehong partido.
Gindeklara man ni President Ferdinand Marcos nga magapatigaaayon ro Pilipinas it critically and constructively nga pakipag-angot sa parehong China ag US.
Samtang, gin-insister man ni Carlos nga maabo nga “moving parts” ro dapat tutukan sa isyu rason nga indi dapat mag-apin alin man sa daywang nasyon.
