Ginmandu eon man ni Education Secretary ag VP Sara Duterte ro imbestigasyon sa kontrobersyal nga pagbakae it maeahaeon ag outdated nga laptops ko 2021 pamaagi sa Department of Budget and Management Procurement Service (PS-DBM).
Kasunod kara, suno kay DepEd Undersecretary Epimaco Densing, gin-aprubahan eon sigon ni VP Sara nga nagsueat kay Atty. Jose Calida, Chairperson it COA para maghinyu it fraud audit maghalin sa COA.
Ro rason sigon sa nasambit nga paghinyu it ahensiya it fraud audit hay para maklaruhan ro kwestnableng pag-downgrade maghalin sa 1.9 gigahertz sa 1.8 gigahertz eon lang kamana man kung ham-an nagmahae ro presyo ag specifications it laptop.
Sa makaron, owa pa ginpahayag it DepEd kung may anomaliya gid man sa pagbakae it mga laptops.
Samtang ginahueat pa sa gihapon makaron ro sabat it PS-DBM sa nasambit nga alegasyon.
