Una sa 89 Ati-Atihan bands ag mga tribu ro kumpirmadong magapartisipar sa opening salvo it Kalibo Ati-Atihan Festival 2026 sa Nobyembre 3.
Suno kay Rhea Rose Meren, development management officer 3 it Municipal Tourism Office it Kalibo, pinal eon ro numero it mga rehistradong grupo nga maga-partisipar sa Sad-Sad, apang bukas sa gihapon raya sa iba pang grupo nga gusto magpasakop pagkatapos it programa.
Maga-umpisa ro aktibidad sa adlaw it Martes sa paagi it misa sa agahon bilang parte eon man it pagselebrar it Kalibo Foundation Day.
Pag-abot sa hapon, igapatigayon ro parada halin Mabini Street paadto sa Kalibo Pastrana Park, kadungan ro paga-umpisa it presentasyon it mga kandidata it Binibin ng Kalibo Ati-Atihan.
Dugang pa nana, maga-umpisa ro sangkri nga programa bandang alas-6 it gabi, nga pagasundan it deklarasyon it alkalde sa pagbukas it kapistahan, ag papatigayon it grand fireworks display.
Pagkatapos it nasmabit nga programa, maga-umpisa eon ro pagpeform it mga performers nga ginpahaom it lokal nga gobyerno.
Ginlaygayan man nana ro mga kapartisipante ag mga bisita nga bantayan ro opisyal na Facebook page it Kalibo Ati-Atihan Festival 2026 ag it Kalibo Police Station para sa traffic rerouting plan ag mga dapat ag indi dapat daehon sa festival zone area.
Ginengganyo man it Municipal Tourism Office ang publiko nga pabilinon nga malimpyo ro palibot ag siguraduhon matawhay ro pagselebrar, bilang pagrespeto sa relihiyoso ag kultural nga tradisyon it Ati-Atihan bilang pagpasidungog sa Señor Santo Niño.
