Samtang masako ro kaabuan sa pag-atubang sa pandemya, kalamidad ag krisis, medyu makarondaya man sa mga una sa ilegal nga droga.
Mataeupangdan nga eapnaag eon man ro illegal drugs.
Adlaw adlaw hay may nadakpan nga pusher ag may mga drug den man nga nadiskubrehan.
Angot kara, ginpasiguro man it administrasyong Marcos nga padayun ro kampanya kontra ilegal nga droga kadungan ro pagpasiguro nga sandig raya sa laye.
Madumduman nga naging madugo ro operasyon it ilegal nga droga ko tiempo ni dating Pangueong Rodrigo Duterte.
Base sa listahan it Philippine Drug Enforcement Agency (PDEA), masobra sa 6,000 nga drug suspects ro napatay sa operasyon.
Gina-abangan ro magiging magiging version it war on drugs ni Pangueong Bongbong Marcos.
Paalin nga masuk-ean ro mga drug lords, pusher ag mga protektor?
Nasyauran man naton kon ano ro ginatuga it droga sa tawo ag sa mismong nasyon.
Makangieidlis nga krimen ro nagakatabu.
Rason nga nagaeaum kita nga sa bag-ong administrasyon hay eubusan eon nga matapos ro saeot nga bisyo.
Kinahangean eon nga sampulan ro mga drug lords ag ubahan it maskara ro mga protektor nga una sa gobyerno.
Panawagan sa tanan , magbuylog sa pagtapna sa ilegal nga droga.
Dumdumon naton ro puturo it atong mga unga nga indi sanda matintar ukon mabiktima kara .
