Kan-o guid eamang, gin-anunsyo it sangka sikat nga potato chips brand sa Japan ro pinakabag-o nanda nga produkto, ro washing machine para sa tudlo.
Suno sa spokeperson it kompanya, sambilog sa kaeabanan nga problema matapos magkaon it potato chips hay ro oily ag mahigku nga tudlo.
Bangud sa naexperiensiyahan nga pandemya sa bilog nga kalibutan, bukon eon it hygienic nga dilaan ag supsupon ro tudlo pagkatapos nga magkaon it potato chips rason nga naisipan it Japanese company nga maghimo it finger cleaner nga korteng mini washing machine.
Naga-gana ro mini washing machine pinaagi sa sangka motion detector.
Kon na-detect it mini washing machine ro tudlo, mag-spray raya it alcohol.
Nagahalin ro alcohol sa sangka refillable tank sa idaeum it gadget.
Indi kinahangean nga bayluhan ro battery it mini washing machine bangud nga rechargeable raya gamit ro USB-C charging cord.
May sukat nga 15cm x 11cm ro mini washing machine rason nga madali raya nga madaea maskin siin nga lugar.
Naging viral sa Japanese social media websites ro angot sa mini washing machine ag maabu ro naging interesado nga raya hay bak-eon.
Apang suno sa potato chip brand, limited edition eamang raya ag posibleng mabo-oe pinaagi sa raffle contest.
