Nagpatigayon it inspeksyon ro lokal nga gobyerno sa mga ginareklamo nga babuyan sa may bahin it Brgy. Andagao ag Pook, Kalibo.
Suno kay Kagawad Mark Sy, spokesperson ni Kalibo mayor Juris Sucro nga haeos sang dag-on eon ro reklamo it mga pumueoyo sa nasambit nga lugar kon siin ro mga tag-iya it babuyan hay maabong alibay rason nga uwa gihapon naaksyunan ro nasambit nga problema.
Apang, kahapon hay nagtingob pwersa ro LGU sa pag-inspeksyon sa lugar kon siin gintaw-an nanda ro mga raya it 15 diyas para mabueo ukon mahalin ro sapat nga nagatuga it perwisyo sa andang mga kaeapit baeay partikular ro mabaho nga hugom it higko kara.
Ro iba suno kay kagawad Sy hay gusto nga makipag-istorya sa alkalde.
Nagakadapat eon suno kana nga mataw-an it aksyon ro reklamo agud nga mataw-an it solusyon ro magtimbang nga parte.
